Congress President Mallikarjun Kharge chuan BJP chief JP Nadda an Rahul Gandhi chuan OBC community te chu rukruah a puh a ti chu hnawlin ruling party BJP te zawk chu ‘caste politics’ a inbarhlut lui tiin a sawi ve thung.
Rahul Gandhi an ‘Modi surname’ chungchang avanga defamation case a thiamloh chantir a nih hnuah BJP leh Congress te ch inbei zui zelin Nadda chuan Rahul Gandhi chu ‘dawt heh, mimal sawichhiat ching leh negative politics’ chu amahah a bet tlat tiin a sawi a.
“OBC community te rukru hiala a puh avangin Rahul Gandhi hian casteist rilru a putzia a lantir a ni. Mahse, tuna a an hla hi a mak lo. Kum tam tak chhung chu hetiang politics hniam tak hi kalpui sa reng tawh a ni” tiin Nadda chuan a sawi.
Kharge chuan Nadda hi chhang letin, “Modi sorkar hi JPC, Noirav Modi, Lalit Modi leh Mehul Choiksi te PNB sum leh mipui sum tlanbopuite lak atangin an him dawn chuang lo. OBCs tenan an tih a ni lo va, eng vangin gne hmuhsit nia an inhriat ngawt ang? SBI/LIC te hian hloh an neihna chhan chu in ‘thian tha’ te vang a lawm” tiin BJP sorkar chu a beilet thung.
“A tirah an ruksak theih nan an tanpui phawta chumi hnuah caste politics an kalpui leh a” tia sawiin Kharge chuan BJP te chetdan chu ”zahpuiawm tiin a sawi bawk.
Rahul Gandhi chu Ningani khan Surat Court chuan kum 2019 a ‘Enga tinge rukruk tinte hian Modi hming an put vek’ a tih avanga defamation case thehluhah thiamloh chantir niin kum hnih lung in tang tura tih a ni.
Chief Justicial Magistrate H.H. Varma chuan kum 52 a upa Gandhi chu Indian Penal Code (IPC) sections 499 leh 500 hmanga thiamloh chantirin mahse bail a pe nghal a, court sang zawka a thlen theihna hun remchang ni 30 a pe bawk.
Rahul Gandhi hian appellate court in a convicition a suspend emaw chuan parliament atanga disqualify a nih theihna a pumpelh thei chauh dawn bawk.
Nadda chhangletin Kharge an Rahul tan zui bur
Get real time updates directly on you device, subscribe now.