Naga pawl hnihte ngaihdan inang lo

Manipur-a community pahnihte buaina thleng mek chuan Naga extremist group pahnihte inkarah inbeihna a thlen zui.
Working committee of the Naga National Political Groups (NNPG) te chuan Isak-Muivah faction National Socialist Council of Nagaland or NSCN (I-M) te chu Nagaland chhuak an ni lo tiin Tangkhul leh Meitei community te chuan ‘thisena inzawmna’ an nei an ti bawk.
NNPG hi hel pawl pasarih inzawmkhawm niin a tam ber te chu NSCN (Khaplang) kehdarh an ni a, an member tam ber te chu Nagaland a awm Nagas te an ni. NSCN (I-M) member tam ber te chu Tangkhuls te ni thungin Manipur a Ukhrul leh Kamjong district-a Naga tam berte an ni thung.
NNPG te chuan Tangkhul village chiefs (Federation of Haomee) leh Meitei te chuan June 10 khan ‘inzawmna siam that’ tih thupui hmangin Manipur territorial integrity humhim a nih theih nan an inhmukhawm, an ti a.
Thuingaleng Muivah, general secretary of NSCN (I-M) chu thlurbing bikin NNPG te chuan ‘Manipur chhuak mi hian Nagaland political future sawi turin dikna a nei lo’ an ti. Muivah hi Tangkhul niin Somdai, Ukrul district chhuak a ni a.
“Awlsam taka sawi chuan an home address chu Manipur a ni kumkhua dawn a ni,” tiin NNPG te chuan sawi bawkin Nagaland a Nagas te chuan Manipur Nagas te chu Naga tawk lo an tih fo thu an sawi bawk.
NNPG te chuan senior NSCN (I-M) leader Rh. Raising-an Kuki-Zomi te tana Manipur-a seperate administration chungchanga a ngaihdan a ziah ‘refugees emaw immigrants tena separate homeland emaw separate state ram danga an ngiat ngawt hi a ram mi leh leh an ram chhuhsak tumna a ni’ tia a ziah leh ‘document lem hmanga khua leh tui nihna neih tum hi State pawisawina a ni a. A ram mite rama ram dang mite dahkhawma chetlakna hi colonialism a ni’ tia ziah chu na takin an sawisel bawk a. He thlirdan leh ngaihdan hi Manipur-a BJP sorkar Meitei te enkawl thlirna a ni, an ti bawk.
NSCN(I-M) te chuan NNPG te thuchhuah chu ‘behchhan nei lo inpuhna’ tia sawiin Indian agency te aiawha thawk an ti ve thung a. NSCN(I-M) te chuan Nagas te rights ngai pawimawh berin Meitei emaw Kuki te chu hmelma angin an ngai lo an ti ve thung.