Naga tribe 20 awmkhawma apex body United Naga Council (UNC) te chuan Manipur buainaah Naga te chu kaihluh emaw an duh loh thu an sawi.
Manipur-ah hian Naga te chu ethnic group lian ber dawttu niin Meitei tihlohah an tam ber a. A pathumna chu Kuki-Zomi te an ni thung.
Kuki leh Meitei te chu May 3 atang khan an intibuai tawh a, hei vang hian nunna chan 150 chuang awm tawhin mi 60,000 chuangin chenna in leh lo an chhuahsan phah tawh a ni.
Thuchhuah an siamah UNC te chuan mi thenkhat ten Naga te chu buainaah dawt thu leh behchhan diklo hmangin heng community pahnih hnaia cheng Naga te chu vauin buainaah hnuhluh an tum tiin an sawi.
“UNC chuan neutral thlangin tumah thlawp emaw tan bik a nei lo. Digital era ah hian engmah thup emaw theih a ni tawh lo va, he buaina tipunluntute chu harsatna nasa zawk a thlen hmaa insaseng turin kan ngen a ni” tiin UNC te chuan an sawi bawk.
“Naga tribe te community pahnih te hnaiha chengte chu vau leh diklo taka an chunga chetlakna a awm hi a vanduaithlak takzet a ni” tiin apex body te chuan an sawi bawk.
UNC chuan Naga pawl hrang hrang te chu Naga tribe te ngaihhai avanga khawih an nih loh nana fimkhur turin an ti bawk a. Naga community UNC a tel zingah hian Tangkhul, Poumai, Rongmei, Liangmai, Mao, Thangal, Chiru, Moyon leh Zeme te pawh an tel a ni.
Naga pawl ten Manipur buainaa kaihluh nih duh lo
Get real time updates directly on you device, subscribe now.
Prev Post
Next Post