Union Home Minister Amit Shah chuan February 21 khan Naga peace talks chu sawihona neih mek a ni tia sawiin Prime Minister Narendra Modi hmalakna kalpui mek chuan northeastern State ah rah tha a chhuah ngei a beisei thu a sawi.
Tuensang-a election rally a thusawina a neihah Shah chuan eastern Nagaland tan development leh rights chungchangah issue thenkhat chinfel ngai a awm tia sawiin chung te chu Assembly inthlan zawhah chinfel a ni ang a ti zui bawk a.
Northeast-ah helna a tlahniam mek tia sawiin BJP rorelna hnuaiah tharum thawhna pawh 70% in a tlahniam tawh tiin a sawi bawk a.
Union Home Minister chuan security forces te thihna pawh 60% in a tlahniam tawh tia sawiin civilian te thihna pawh Northeast bikah 83% in a tlahniam tiin a sawi bawk a ni.
BJP sorkar chuan Nagaland hmun tam zawk atangin Armed Force (Special Powers) Act, 1958 a hlip tawh tia sawi bawkin he dan hi tun atanga kum thum kum li chhungin Northeast atanga nuaibo a nih a beisei thu a sawi bawk.
Member 60 awmna Nagaland State Legislative Assembly inthlanna February 27 ah neih tur niin March 2-ah vote chhiar a ni ang.
Naga Peace talk-in rah \ha chhuah beisei
Get real time updates directly on you device, subscribe now.