Nagas ten candidate te hremna pe

Manipur Nagas apex body te chuan Congress MP Alfred Kanngam S. Arthur leh midang pahnih te chu Naga society ah hruaitu nihna leh dinhmun pawimawh engmah kum sarih chhung an chelh an khapsak.
Midang pahnih te hi S. Kho John leh Allyson Abonmai te niin outer Manipur Lok Sabha constituency a independent a ding te an ni a. An pahnihin Arthur leh Kachui Timothy Zimik of Naga People’s Front (NPF) te hnungah pathumna leh palina an ni.
United Naga Council (UNC) chuan thuchhuah an siamah mi pathumte chuan an duh reng vangin ngenna hnawlin tun hnaia Lok Sabha inthlana UNC ngenna an hnawl a, Naga mipuite dinhmun leh lungrualna an ngaipawimawh lo tiin an sawi.
Chuvangin Naga society-ah kum sarih chhung chu public platform an hman remtih a ni lo va, hruaitu leh nihna pawimawh engmah an chelh remtih a ni hek lo tiin H. James Hau,. UNC information and publicity secretary thuchhuah chuan a tarlang.
Naga body te chuan an constituent unit, subordinate leh associate unit tin te chu thupek kengkawha an huamchhung theuha khauhtaka lekkawh turin an ti bawk.
Arthur leh Zimik hi Tangkhul community niin Joh hi Poumai a ni thung a, Abonmai chu Liangmai a ni thung.
UNC thuchhuah leh thutlukna siam chu social media-ah na taka sawisel a ni thung a, a chhan pawh Zimik, Outer Manipur a Arthur laka 85,418 vote a chak lo chu hmertel a nih ve loh vang a ni. Outer Manipur ah hian NPF’s Lorho S. Pfoze chuan kum 2019 inthlanah khan chakna a chang.
UNC te thuchhuah siam chu Outer Manipur seat an chan loh avanga an hmalakna nia ngaihsak a ni bawk a. Outer Manipur ah hian Assembly segment 28 awmin kumin inthlanah khan Kuki-Zo organisation te an tel duh lo thung a.
Outer Manipur Lok Sabha inthlan campaign ah buaina chhuak nasain Congress candidate chu naga extremist ten an bei nasa bawk.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More