Nagelsmann thlaktu Tuchel

Nagelsmann thlaktu Tuchel
Karliamta Zirtawpni khan Bayern Munich chuan an head coach chhawr lai Julian Nagelsmann banin a hmunruakah Chelsea manager hlui Thomas Tuchel an senglut nghal.
German champion hi tun dinhmun Bundesliga table-ah pahnihna an ni mek a; kum 2021 atanga an rawih tan kum 35 mi lek Nagelsmann hian a zawna a vawi 10-na atan Bavarians chu German league title lakpui bawk mah se season liamta khan eng trophy dang mah an hui tel zo lo a, season kal lai top flight table-ah lah hma a hruaipui zo ta lo a; German Cup second round lamah ni se Borussia Moenchen-gladbach-in an petchhuak tawh a; season liamta khan Champions League quarter-final atangin Spanish underdogs Vi-llarreal tihte mai maiin an pet tla bawk.
Tunkar tawp league-a hmahruaitu Borussia Dortmund hmachhawn mai tur an nih lai leh April ni 11 Champions League quarter-final lama Man-chester City tum zui leh tur an nih laia an mana-ger chhawr lai an ban mai hian mak tih a hlawh angreng.
Bayern CEO Oliver Kahn chuan season liamtaah league title la leh thei hram bawk mah se an squad dinhmun (quality) chu hmuh theiha a tlakhniam telh telh thu sawi chungin, “World Cup zawh khan kan chak tlem zual a, kan game pawhin mi a hip lo telh telh a, tluk leh din kan fawm-kem chhoh reng avangin tun season kal laia kan hmachhawpte chu din-hmun derthawngah a ding hlawm ta mek a, hetianga chet la lo thei kan ni lo,” a ti.
Nagelsmann thlaktu atana an sengluh nghal rup rup Tuchel hi kum 2018 khan a vawi-khatna atan Bayern hian rawih an lo tum tawh a; hun engnge-mawchen atanga an target lo ni tawh hi season laklawh takah an senglut ta nge nge a, kum 2025 thleng ruai turin contract an ziah-pui phawt.
Frank Lampard thlak-tu Tuchel hian kum 2021-ah Chelsea chu Uefa Champions League trophy lakpui mah se nikum khan London club hian an ban a, khami hnu khan hna nei loin a awm hman ren rawn a, tunah Bavarians-in an senglut ta a ni.
Dortmund a enkawl hmaa Mainz 05 boss a nih lai khan Tuchel hi Bundesliga kawtkaiah tlarhma lam bawh ngaipawimawh coach (forward-thinking tactician) niin mite’n an lo hmelhriat daih tawh a, kum 2017 khan German Cup title a lo la tawh a ni.
Kum 49 mi hian Paris St-Germain a enkawl laiin French league title a lak zawnpui bakah kum 2020 khan PSG chu Champions League final a luhpui a, Bayern an ngam lo.
Perfectionist leh master tactician tia an sawi thin ni mah se Tuchel hi amah ruaitu club hotu lawkte nen an thu a inhmu lo leh thin a, Dortmund leh Chelsea a enkawl lai pawh khan chu buaina chuan a tibuai a, beisei aia hmain club a chhuahsan leh mai thin.