Nasa-in thla lung him takin lei thlen

Solar system a ‘lung hlauhawm ber’ tia sawi chu Leiah lak thlak a ni ta a.
American space agency Nasa te chuan he lung hi capsule hmanga la thlain him takin Utah State a West Desert ah a tum a ni.
He sample hi Osiris-Rex spacecraft in kum 2020 a asteroid Bennu surface atanga a lak a ni a.
Nasa te chuan heng lung te hian tun atanga kum 300 velah kan chenna lei an deng thei anga sawina piah lamah zirchian an duh hrim hrim a ni.
He sample hmang hian kum 4.6 billion kalta vela Solar System insiam dan hriatfiah theih a nih beisei niin, chumi piah lamah mihringte tan nun theihna a ni em tihte pawh an zirchianna kalzela pawimawhna nei tura an rin a ni.
He lung hi lian lote niin 250 grams vel lek a ni a, mahse, hriatchian chakna-in scientists te chu an khat thung.
“Resolution sang tak hmangin kan zirchiang thei dawn a ni” tiin Eilenn Stansbery, chief scientist, Nasa’s Johnson Space Center, Texas chuan a sawi a. “10 micron tia vel lek zai darh chu kan thiam em em a, hei vang hian 250 grams chu liantham tak a ni” tiin a sawi bawk.
Scientist-te chuan lung hi a rang thei ang bera silfai an tum a, chumi hnuah a him zel theih nan nitrogen gas hmanga tihthiamhlim leh an tum dawn a ni.
Nasa te chuan 11 October-ah press conference nei tumin thil awmdan sawifiahna an nei dawn a. Chu mi hnuah heng lung zai pherh darhte chu khawvel hmun hrang hranga research team-te hnenah an zirchian turin an sem chhuak dawn a ni.
“Lung atanga 75% te chu kan dahtha anga future generation te lo zirchian zel turin kan dah ang” tiin Nasa director of planetary science, Lori Glaze chuan a sawi