National Integration Tour

2 Assam Rifles buatsaih hnam inpumkhatna chawinunna atana ruahman, National Integration Tour (NIT) 2023 a kal Mizoram Journalists’ Association member 8, zirtirtu 2 leh anmahni hruaitu turte chu Thawhtanni zing khan Tourism minister Robert Romawia Royte chuan Aizawl atangin a vailiam.
Minister chuan tun dinhmun ngaihtuaha hnam inpumkhatna lam hawi program buatsaih a ni chu finthlak a tih thu sawiin, hnam inpumkhatna tour kaltlanga MJA member leh zirtirtute tana tour buatsaih chu lawmawm a tih thu a sawi a. North Eastern huamchhunga hmun pawimawh tak tak tlawh turte chu a lawmpui thu sawiin, thiamna leh hriatna zau zawk a pek belh ngei a beisei tih a sawi a ni.
National Integration Tour-a kalte hian Assam, Arunachal Pradesh leh Meghalaya-a sipai hmunhma pawimawh an tlawh dawn a. Ruahman dan chuan September 26 hian Mizoram an rawn let leh dawn a ni.