National Wildlife Week vawi 77-na chu Ningani khan ramchhung hmun dang rualin Mizoramah hman a ni a, Aizawlah chuan Environmental, Forests & Climate Change minister Lalthansanga’n a hawng. Week hian October 8 thleng a awh ang.
Nungchaten min mamawhna aiin kan mamawhna a sang zawk a, kan ram leilung that leh that loh thlengin a nghawng tih Forest minister hian a sawi. “Kan thlaite ei chhe thin mah se, an tel lo chuan kan thlaite hi a tha thei tak tak chuang lo. Dan palzutna avanga nungchaten an tuar thin hi a pawi a ni,” a ti.
Principal chief conservator of Forest Ashok Kumar Biswal pawhin thangtharten Mizoram nuam tak leh ramngaw leh nungchate tamna thlahtute atanga rochun chu lawm tak chunga enkawl chhunzawm zel tura chahin, chhuan lo la awm zel tan rochun tlak hnutchhiah turin a chah. Mizoram chu India ramah ramngaw (forest cover percentage) a ram zau zawng atanga teha a sang ber dinhmun (84%) a ni chu lawmawm a tih thu a sawi bawk.
Kumin National Wildlife Week thupui hi “Wildlife conservation through Co-existence” (Inngeih taka khawsa tlang chunga nungcha humhalh) tih niin, Dampa Tiger Reserve field director Agni Mitra chuan “Wildlife of Mizoram, Values, Conservation Issues & Way Forward” tih thupui hmangin a lem nen entirin a sawifiah a. Tun dinhmunah Mizoramah protected area 11 awmin, sahel ei chi (Carnivores) 10 kan nei mek.
National Wildlife Week hmang tan
Get real time updates directly on you device, subscribe now.
Next Post