Naupang 101 tanpuina pe dawn

Naupang 101 tanpuina pe dawn
Sponsorship and Foster Care Approval Committee (SFCAC) Khawzawl District chu an chairman, bawrhsap K Vanlalthiana kaihhruaiin Thawhtanni khan an thukhawm.
Juvenile Justice (Care and Protection of Children) Act 2015 hnuaia sponsorship pek tur sawiho a ni a, a vaiin naupang 101 pek turin thutlukna an siam. He sponsorship hi naupang harsatna tawk, nu leh pa nei lo hmeithai fa, rualbanlo, POCSO case emaw JJB case emaw nei leh harsatna dang tawkte tana duan a ni a, naupang thlante hian kum khat chhung thla tin Rs. 4000 an dawng thin. Thutkhawm hmasa zawkah naupang 39 pek tura rel a ni tawh bawk.
Chairman chuan hetiang naupang tanpuina an pe thei chu lawmawm a tih thu a sawi a. Mi tam zawkin an hriat theihnan leh a phu tak takten an chan theihnan theihtawp chhuah turin member-te a chah.