Thawhtan zing khan NBA Finals khelh chhunzawm niin game khatnaa hnehna chang tawh Boston Celtics chuan Dallas Mavericks lakah hnehna an chang nawn leh a, final an hnaih leh zual.
Final game hnihnaah hian game khatnaa tlawm tawh Dallas Mavericks in chak ngei tumin thapui an thawh a, bul pawh an tan tha. Quarter khatnaah Mavericks hi point thumin an chungnung. Point thuma an chungnung nghal vangin phur takin an inlan zui naa quarter hnihnaah Celtics hi point rukin an chungnung ve leh thung a, point thuma hmahruai let chungin chawlhlawk an hmang.
Chawlhlawk hnu lamah Celtics an khel tha chhunzawm a, quarter thumnaah point rukin an chungnung zui leh a, point 9 a hmahruai chungin quarter hnuhnung ber an hmachhawn. Quarter hnuhnung berah hian point hnihin Mavericks chungnung bawk mah se point sarihin an khingpuite an umphak zo lova, uiawm takin an tlawm nawn leh ta a ni.
Dallas Mavericks an hneh nawn leh tum hian Celtics tan Jrue Holiday chuan point 26 a thawkchhuak a, Jayson Tatum chuan point 18 thawkchhuakin, assist vawi 12 a nei a, ball sawhlet vawi kua a dawng tling bawk. Tlawm nawn leh mah se Mavericks tan Luka Doncica khel tha chhunzawm a, point 32 a thawhchhuah bakah bawl sawhlet vawi 11 dawngin, assist vawi 11 a nei tling bawk a, triple double a puitlin.
NBA finals 2024 game thumna hi nilaini zingah khelh chhunzawm a ni dawn a, Celtics kal fal lutuk tur dal turin Mavericks in chak ngei an mamawh ang.
NBA finals Game 2 Celtics an chak nawn leh
Get real time updates directly on you device, subscribe now.
Prev Post
Next Post