NCERT laka lungawi lo pung

Political scientists Yogendra Yadav leh Subhas Palshikar ten NCERT chu textbook-a an hming ziahlan hru reh tura an tih hnuah academicians 33 dangte Textbook Development Committee-a awm te chuan council hnenah ‘tangruala hma an lakna te tihbawrhbanin a awm’ tiin lehkhathawn an ziak.
Academicians te chuan textbook atanga an hming tarlan te nawt reh turin ngenna an siam zui bawk a.
NCERT Director Saklani hnena lehkhathawntute zingah hian Kanti Prasad Bajpai, JNU professor hlui vice dean National University, Singapore ni mek te, Pratap Bhanu Mehta, former vice-chancellor of the Ashoka University, Rajeev Bhargava, former director of CSDS, Niraja Gopal Jayal, former JNU professor, Nivedita Menon, JNU professor, Vipul Mudgal, head of civil society watchdog Common Cause, KC Suri, former professor, University of Hyderabad tuna Gitam University a thawk mek te leh Peter Ronald deSouza, former director of Indian Institute of Advanced Studies te pawh an tel a ni.
National Council for Educational Research and Training (NCERT) te thung chuan heng hmingte hi nawhreh ngaihna a awm tawh lo tia sawiin textbook te chu siam fel vek tawh niin textbook te chu subject hriatfiah nana siam niin tumahin neitu nihna emaw an nei thei bik lo a ti thung a.
NCERT textbook-a topic hrang hrang leh portion thenkhatte paih bik chuan tun hnaiah inhnialna nasa tak siamin BJP kaihhruai Centre chu ‘phuba lakna nena chetlak tum’ tia puh a ni a.
Inhnialna siam a nihna chhan ber pawh textbook te chu rationalisation exercise tia thlak danglam a nih rualin paih bik lai te chu sawi lan a ni chuang si lova hei hian rinhlelhna a siamtir nasa a ni.
NCERT chuan paihbik an neih chu an fimkhur luattuk vang a ni thei tia sawiin mahse siam that tumna an nei lo thung a, rawtna an kalpui te chu mithiamte thurawn an ti tlat thung a. Hei bakah hian textbook te chu kum 2024 ah National Curriculum Framework (NCF) hman hunah enthat leh tur an tih tho rualin an thlak danglamte engmah hriatttirna emaw an siam duh chuang lo a ni.