Hun rei tak a inmun hnuah Nationalist Congress Party leader Ajit Pawar —NCP chief Sharad Pawar a nephew ni bawk chuan ruling BJP sorkar a zawm a. Hei vang hian party chu a tiphel nghal anga ngaih niin pary MLA tinte thlawpna nei anga a insawi laiin a uncle Sharad Pawar chuan a hnawl thung.
Ajit Pwar hian a tum nga nan Maharashtra Deputy Chief Minister ni turin thutiam a la a, kum 1978 atanga he post siam a nih atanga he dinhmun chelh zing ber a ni bawk a. BJP hotu lawk Home leh Finance chang mektu Devendra Fadnavis nen Deputy Chief Minister an ni dun ang.
NCP legislators dang pariat — Chhagan Bhujbal, NCP supremo’s close confidant Dilip Walse-Patil, Hasan Mushrif, Aatram Dharamraobaba Bhagwantrao, BJP leader Gopinath Munde’s nephew Dhananjay Munde, Aditi Tatkare, Sanjay Bansode, leh Anil Patil te pawh Ministers atana lakluh niin tihian Maharashtra sorkar chu ‘Shinde-Fadnavis-Pawar government’ tia vuahin a awm ta a ni.
Tatkare, Lok Sabha member Sunil Tatkare fanu chu tun sorkara hmeichhe minister hmasa ber a ni bawk a. Raj Bhavan a lakluh inkhawm neihah hian Deputy Speaker Narhari Zirwal leh NCP’s newly-appointed working president leh Union Minister hlui Praful Patel te pawh an tel.
Ajit Pawar chuan Pathianni tlai lam khan a chenna inah senior NCP legislator meeting a ko nghal a, chutah chuan Sharad Pawar fanu leh Lok Sabha MP Supriya Sule pawh a tel a. Mahse, Sule chuan meeting chhuahsan vatin a cousin Ajit Pawar te chuan Raj Bhavan panin chutah chuan Chief Minister Eknath Shinde leh a deputy Fadnavis te leh cabinet thawhpuite chuan an lo nghak a ni.
-- Advertisement --
Kan indin tha ang : Sharad Pawar
Kum 83-a upa NCP patriarch Shard Pawar chu Pune-ah awm mekin a nephew thutlukna chu a thlawp loh thu sawiin thil thleng chu thil thar a ni lo a ti thung a. “Mi thenkhat tan chuan thil thar a ni thei a, ka tan chuan thil thar a ni lo. Ka tum chu kum 1980 a thil thleng MLA 58 atanga paruk tih chauh loh chuan min phatsan vek hnua Maharashtra a engmah lo atanga party ka din that leh ang kha a ni. State fangin ka zin leh nghal ang,” tiin a sawi.
Hetih lai hian kum 63-a upa Ajit Pawar chuan NCP MLA 53 atangin 36 te thlawpna a hmu tia sawi a ni a. Senior party leader te pawhin an thlawp thu sawiin mahse a uncle chungchang erawh a sawi duh lo thung.
Ajit Pawar chuan an party chuan Shive Sena-BJP sorkar chu ram hmasawnna nan zawm an duh tia sawiin Prime Minister Narendra Modi leadership chu a fak zui a. “NCP angin sorkar kan zawm a, kan party hming leh symbol-in inthlan kan hmachhawn ang. Party a elected representative tin ten min thlawp vek a. A then chu ram pawna an awm mek lai niin mimal takin ka be vek a, thutlukna kan siam a ni. Kan dinna hi min tawmpui vek,” tiin a sawi a, democracy-ah chan majority in chabi an kawl a ti bawk.
Sorkar a zawm chhan sawiin Ajit Pawar chuan party pakhatin Maharashtra-ah sorkar a siam thei tia sawiin chu chu kum 1990 atanga thil kal tawh dan a ni a ti a. NCP te pawh a hmain Congress leh Shiv Sena (UBT) te nena thawkhoin sorkar an siamah tunah BJP te nen an thawkho a ni leh mai tiin a sawi bawk a.
“Mi tam takin tunah rih chuan min sawisel ang a, mahse, engahmah kan ngai lo, State hmasawn nan kan thawk ang,” tiin a sawi bawk.
BJP te nena thawhho
A hma pawin NCP chuan Nagaland-ah MLA pasarih neiin chung MLA tinte chuan BJP an zawm vek a ti a. “Nagaland-ah pawh BJP te nena kan thawhho theih chuan hetah pawh kan thawhho theihlohna tur a awm lo. Shiv Sena te nena kan thawhho theih chuan eng vangin nge BJP te nen kan thawhho theih loh ang,” tiin Ajit Pawar chuan a sawi bawk.
NCP chuan third party angin sorkar a zawm tia sawiin Chhagan Bhujbal pawhin Modi leadership hnuaiah ram a him ber tih chu phat theih a ni lo a ti bawk a. “Mi thenkhat chuan party kan tiphel angah an ngai a, a dik lo. NCP angin kan awm a, kan tum chu inlungrual a ni. Modi sorkar kan sawisel fo tawh a, mahse, phat theih miah loh chu a leadership hnuaiah ram a him a ni,” tiin a sawi bawk.
Triple engine sorkar
Ajit Pawar leh NCP leader te chu lawmin Chief Minister Shinde chuan, “Tunah chuan Maharashtra in triple engine sorkar a nei ta. Kan mipui sorkar chu bullet train anga chakin a kal ang,” tiin a sawi bawk.
Shinde chuan, “Ajit Pawar hian kan development goal te a thlawp a. Lok Sabha inthlanah khan NCP ten seat li nga vel an la a, tun inthlanah chuan seat khat pawh an la lovang,” tiin a sawi bawk.
Hnuhma neih tum Ajit Pawar
Thla tam tak chhung chu Ajit Pawar leh BJP te chuan inbiakrukna an nei tia sawi a ni tawh a. Kumin May thla khan a uncle Pawar chuan party chief nihna bansanin a hnuah a inhnukdawk leh a. Chumi hnuah AJit Pawar chuan Delhi tlawhin BJP top brass te nena inbiakna an nei zui a. Politics thila ambitious chungchuang tak leh grassroot leader anga ngaih a ni.
Sule party working president a dah a nih hnuah Ajit Pawar chuan party leader te chu Maharashtra Assembly a Leader of Opposition nihna hlhsakna party organisation a dah zawk turin a lo ngen tawh bawk.
Kum 2019 khan Ajit Pawar hi a hel tawh a, ama puala political legacy hnutchhiah duh niin Pathianni khan a tum thum khan kum li chhung lekin Deputy Chief Minister atana lakluh a ni ta a, hei hian Opposition Maha Vikas Aghadi chu a tichak lo hle dawna ngaih a ni.