NCPCR portal inhrilhhria
National Commission for Protection of Child Rights leh Mizoram Commission for Protection of Child Rights tangdun buatsaihin Thawhtanni khan NCPCR portal chungchang zirho a ni.
He hun hmanpuitu Social Welfare minister Er Lalrinawma chuan hmangaih leh duat taka enkawl tur naupangten tharum thawhna te, mipat hmeichhiat kawnga khawih khawloh te an tawk thin chu lungchhiat thlak a tih thu a sawi a. Chaklo leh humhim ngai zawk naupang leh hmeichhiate hamthatna chu sawrkarin a ngaipawimawh tih a sawi. “Sawrkarin dan a siamte tha taka lekkawh a nih theih nan mitinin mawh kan phur a. Dan bawhchhiate hrem an nih theihna’n thuhretua tan ngam a pawimawh. Thudik kan hria a nih chuan huaisen taka tawngchhuakin kan tang ngam tur a ni,” a ti. Naupang leh hmeichhe awmnem zawkte himna’n kan zavaiin mawh kan phur tih hre thar leh turin mitin a sawm a ni.
National Commission for Protection of Child Rights New Delhi-a Legal Division head Katyayani Anand kaihhruaiin training neih a ni a. NCPR portal hrang hrang sawizau a ni.
Mizoram State Commission for Protection of Child Rights chairman Dr C Lalsangzuala, MHIP Chawlhhmun Branch president bakah khualzahawma hman Dr LH Chhuanawma ten thu an sawi bawk.
NCPCR portal inhrilhhria
Get real time updates directly on you device, subscribe now.
Prev Post