NCSK Chairman M.Venkatesan hovin meeting

National Commission for Sufai Karamcharis Chairman, M.Venkatesan hovin nimin khan “The Prohibition of Employment as Manual Scavenger and their Rehabilitation Act, 2013” chungchangah AMC Auditorium-ah Meeting neih a ni.
M. Venkatesan chuan India Prime Minister Narendra Modi thurawn angin North East-ah Safai Karamcharis te an harsatna hriat tuma inhmukhawm an nih thu a sawi a. Safai Karamcharis mi 146 lai an tel thei chu lawmawm a tih thu sawiin, an harsatna te hriat tuma Aizawla lo kal a nih ang ngeiin an harsatna te sawi hreh lova hrilh hre turin a ngen bawk.
Safai Karamcharis te chu an nikhat hlawh daily minimum wages nen a inmil leh inmil loh leh Employment Provident Fund (EPF) an neih leh neih loh bakah Life/Health Insurance Coverage pek an nih a tul thu sawiin, anmahni zingah hmeichhe hamthatna bik ngaihtuah tur Committee siam turin a chah bawk.
An harsatnate chu Mizoram CM leh Governor a hmuh huna a thlen chhawn theih nan a hnenah ziaka thlen turin a hrilh a. National Urban Health Mission (NUHM) leh National Health Mission, Mizoram bultumin thawhlehni leh nimin khan Sanitation Worker te Screening & Health Check up neih a ni a, inentir te hi mi 280 vel niin damdawi tlangpui a thlawn a pek an ni bawk a ni.