NE state-ah dan loa Bangladesh mi lutte laka khauh duhin pungkhawm

Mamit district Saikhawthlir rama rubber chinna hmunah Assam Police leh Assam Forest mi an chIndia hmarchhak state hrang hranga Bangladesh atanga dan loa rawn North East Students’ Organisation chuan an hnuaia zirlai pawl inziaklut ho chu August 18 hian dan loa hmarchhak state hrang hranga ramdang mi awmte hnawh haw an nih theihnan ‘sit-in protest’ nei turin a ti a. Hemi ang hian MZP Gen. Hqrs huaihawtin Vanapa Hall kawtah phut neia thutkhawm hi neih a ni.
MZP president H Lalthianghlima chuan, hmarchhak state-ah dan loa raltlan Bangladeshi an tam em em a, hei hian state tin a tibuai mek a. State thenawm Assam phei chu an buai tawh hle a. Mizoram pawh kan harh a tul tih a sawi. “Assam atanga illegal immigrant an hnawhchuahte hian Mizoram bak pan tur an nei lo. Kan sawrkar pawhin ruahmanna khauh tak siam se, ramri kan ven uluk a ngai hle,” a ti.
NESO vice chairman Ricky Lalbiakmawia pawhin hmarchhak state-ah Bangladesh atanga dan loa rawn pem lut an tam lutuk chu NESO-in a vei em em a. Chimrala kan awm lohnan theih ang angin hma a la mek tih a sawi. Kum tam tak kal ta atangin hmarchhak bialah hian dan loa pemlutte thununna leh umzuina tha tak a awm loh avangin harsatna an tawk nasa tawh a, kum 1947-a India-in zalenna a hmuh hnu lawk atangin he buaina hi a intan a, hei hian state tinte khawtlang nun leh hnam ziarang, dan loa pemlutte avanga harsatna leh politics thila ngelnghehna tichhetu berah a tang tih a sawi a ni
NESO chuan India hmarchhak pumah Bangladesh atanga raltlan an tam avanga Assam sawrkarin hnawhchuah runpui a beih mek a thlawp bakah state hrang hrang pawh chak taka hma la turin a duh tih sawi a ni a. India sawrkar pawh theih ang anga thlawp tur leh a tul anga hma la tura a duh avangin NESO hnuaia zirlai pawl hrang hrangin a rualin sit-in protest hi an buatsaih tih sawi a ni bawk.
Sit-in protest-a kalte hian memorandum an siam a, Thawhtanni vek khan chief minister hnenah an hlan nghal.