Nepal Helicopter tla

Kathmandu Tribhuvan International Airport sawi danin nimin Thawhlehni zing dar 10:05 vel khan Nepal rama tlang hrang hrang leh Mount Everest tlawhtu te ei tur petu Helicopter chu a tla a helicopter a chuang mi paruk (6) Mexican 5 leh Nepali pilot pakhat an thi a ni.
Nepal Civil Aviation hotu te atanga thu dawn danin helicopter hi Thawhlehni zing dar 10:05 ah Mount Everest awmna district Solukhumbu atanga chhuakin Nepal khawpui Kathmandu pana chhuak a ni a, a chhuah atanga minute 10 ah biak pawh theihloh a nih thu leh Solukhumbu district a thingtlang khaw pakhat Likhupike ah helicopter tla hi hmuh a nih thu thuneitu ten an sawi a ni. Police leh khaw mipui te chuan helicopter a chuang mitthi te chu an vaia hmuh an nih thu an sawi bawk.
CNN hnena report dan chuan heng mitthi ruang 6 te hi Kathmandu ah lak phawt an ni anga mahse helicopter tlakna hmun atanga Kathmandu hi motor hmanga phurh a ngaih avangin hun erawh a duh deuh tur thu dawn a ni bawk. January 2023 chhung khan Nepal rama Pokhara khawpui hnaivai mai ah thlawhna chesual avanga boral mi 68 lai mai an lo awm tawha, hei hi kum 30 chuang kal ta a Nepal rama thlawhna chetsual avanga thihna thleng rapthlak ber a la ni hial a ni.