Nepal leh China ten inbiakna nei

Nepal chuan China-in President XI Jinping-a Global Security Initiative (GSI) zawm tura a ngenna chu a hnawl a. GSI hi cross-border connectivity project niin China-in a ngaih pawimawh em em a ni.
Ram pahnihte chuan border infrastructure project tam tak kalpui tur duang dunin mahse chung zingah chuan GSI chu lam tel a ni lo thung.
“Nepali lam chuan China hmalakna Global Development Initiative (GDI) chu athlawp a, GDI Group of Friends te pawh zawm a tum a ni” tiin a sawi.
Hei bakah hian ram pahnih tena kum 2017 a Belt and Road Initiative (BRI) a intemna an siam chu chak zawka kalpui ni se an ti bawk.
GDI, GSI leh Global Civilisation Initiative (GCI) te chu Xi-an a term thumna chelh meka China foreign policy a ngaih pawimawh bera a neih te an ni hlawm.
Thuchhuah intawm an siamah hian Kathmandu chuan China nena development project kalpui dun a remtihna niin, mahse security cooperation lamah thung chuan fimkhur takin an kal thung a ni.
Nepal chuan Tibet chungchangah China laka a rinawmna sawi nawnin ‘Nepal leilungah China laka helna kalpui remtih a ni ngai dawn lo’ a ti bawk a. China pawhin Nepal independence, sovereignty leh territorial integrity chu a zahsak tlat dawn a ti bawk.
Ram pahnihte chuan connectivity a bik takin ports, roads, railways, airways leh grid lamah a tahtawla nasa zawka thawhho ni se an ti bawk a, ‘Trans-Himalayan Multi-Dimensional Connectivity Network’ siam an tum thu an sawi bawk.
Lizi-Nechung port hawn leh Zhangmu-Khasa port te passenger service tih theihna tura hawn a ni chu lawmawm tiin hei bakah hian Chentang-Kimathanka leh Riwu-Olangchungola border port te chu a rang thei ang bera hawn ni se an ti bawk.
Beijing chuan Araniko Highway maintenance project fourth phase hnathawh nghal tur ti bawkin, hei bakah hian Syaphrubsei-Rasuwagadhi Highwat-te chu chei that tur an ti bawk a. Hei bakah hian Jilong/Keyrung atanga Rasuwagadhi/Chilime pawh tur 220 KV Cross-Border Power Transmission line chu siam ni se tih a ni bawk.
Thuchhuah intawm chuan Jilong/Keyrung-Kathmandu Cross-Border Railway kalpui theih a ni em tih chu enfiah ni se tih a ni bawk a. Beijing-ah 8th Working Meeting on China-Nepal Railway Cooperation chu kalpui vat ni se a ti bawk.