Nepal PM thar K.P. Sharma Oli

July 15 khan K.P. Sharma Oli chu Nepal Prime Minister atan a tum li nana lakluh a ni.
Nepal-a communist party lian ber leader hi Pathianni khan President Ram Chandra Paudel chuan coalition sorkar thar kaihruaia Prime Minister ni turin a ruat a ni.
Kum 71-a upa Oli hian kar kalta Zirtawpnia House of Representatives a vote of confidence paltlang zo lo Pushpa Kamal Dahal ‘Prachanda’ a thlak dawn a ni.
Oli hian Parliament a party lian ber Nepali Congress te thlawpna hmuin Prime Minister a nih theih phah dawn a. Oli hi President Paudel chuan Rashtrapati Bhawan main building a Shital Niwas-ah rinawmna thu tiamtirin a la lut a ni.
Oli hian Prime Minister a nih atanga ni 30 chungin constitution-in a phut angin Parliament ah vote of confidence a paltlang a ngai ang a. Oli hian House of Representatives (HoR) a seat 275 awmah seat 138 tal a neih a ngai dawn a ni.
India Prime Minister Narendra Modi chuan Oli chu lawmpuina thawnin ram pahnih inlaichinna tha zawk a kaihhruaina hnuaiah an neih ngei a beisei thu a sawi a.
Congress te pawhin Oli chu lawmpuina thawnin ram pahnih inlaichinna chu hma lam hunah tha zawka kalpui a nih theih ngei an beisei thu an sawi bawk.
India leh Nepal hian inzawmna thuk tak neiin mipui leh mipui mai bakah culture thlengin inzawmna an nei thuk hle, tiin Indian National Congress president Mallikarjun Kharge chuan a sawi.