Nepal ramri hrulah dan lova sakhaw hmun din 350 chuang hmu
Uttar Pradesh sorkar chuan Pathianni khan Nepal nena inrina bawrah dan phal lohva sakhaw hmun din 350 chuang hriat chhuah a nih thu leh khar emaw, tihchhiat emaw a ni dawn tih a sawi.
Heng hmunte hi madrasa, mosque, mazar leh Eidgah an ni hlawm a, ni rei lo te hnuah sorkarin a khar ang a, tihchhiat a nei bawk dawn a ni.
Chief Minister Yogi Adityanath-a chuan eng sakhua pawh dan lova ram nei chu an dim dawn lo tih a sawi a. Pilibhit, Shravasti, Balrampur, Bahraich, Siddharthnagar leh Maharajganj district thuneitute chuan hetiang an awm leh awm loh enin beihpui an thlak tih a sawi.
Thuneitute hian tih dan phung fel takin dan lova thil dinte an en fiah a, na takin an che dawn tih a sawi bawk.
Chief minister hian sakhaw hming chhala dan lova ram neih chu phal a ni lo va, dan bawhchhiatna a ni tih a sawi a. A bikin sakhaw hmun l din leh zirna lo siam phei chu hrem ngei a ni dawn tih thu a chhuah a ni.
Inrinni leh Pathianni khan madrasa 104, mosque pakhat, mazar panga leh Eidgah pahnih, dan lova vantlang leh mi mal rama siamte chu Shravasti-ah hmuh chhuah a ni a. Hriattirna pein khar nghal a ni tih a tar lang.
Vantlang rama madrasa pakhat chu tihchhiat a ni a, mi mal rama madrasa pahnih khar a ni.
Hriattirna chhuah a nih hnuah panga khar a ni a, 11 chu tihchhiat a ni a, heng zingah hian madrasa pariat, mosque pahnih leh mazar pakhat a tel.
Siddharthnagar-ah thuneitute chuan dan lova din mosque pali leh madrasa 19 din an hmu chhuak a. Hriattir pek vek niin madrasa panga khar a ni a, pakua tihchhiat a ni.
Maharajganj-ah District Minority Welfare Officer-in report a thehluh bawhzuiin dan lova madrasa din pakhat khar a ni.
Ni hnih liam ta chhungin Lakhimpur Kheri-ah pawh vantlang rama dan lova mosque pahnih leh Eidgah pakhat din hmuh chhuah a ni.
Pilibhit-ah district thuneitute ram hectare 0.0310-a zau vantlang rama dan lova mosque din an hmu a. District magistrate-in hriattirna pein ni 15 chhunga chhang turin a ti.
Nepal ramri hrulah dan lova sakhaw hmun din 350 chuang hmu
Get real time updates directly on you device, subscribe now.