Netflix chuan Malaysian Airlines flight MH370 chin hriat loha pil bo ta mak chu a documentary an tichhuak dawn a, a hmingah ‘MH370: The Plane That Disappeared’ tih a ni a, March ni 8-ah an tichhuak tan ang.
Malaysian Airlines flight MH370 hi 2014 khan Malaysia atanga China pana a thlawh laiin, a chhunga chuang mi 239 nen chin hriat lohin a bo a, he thlawhtheihna bo danah hian chhuidawnna thu (conspiracy theory) chi hrang hrang a tam hle a, hijacking theory atanga a thil phurha rinhlelhawm thil awm te, pilot ome simulator leh 2016-a Indian Ocean-ah he thlawhtheihna keh them niawm tak thliarkara an hmuh chu a, dah chawp niawma sawi te thlengin a awm a ni.
2016 khan Australian Transport Safety Bureau chuan satellite communication leh a keh them te an chhui zauna atangin he thlawhtheihna hi chak takin tuipuiah tla lut nia ngaihtheih a nih thu report an tichhuak a, chutihrualin he thlawhtheihna a bo lai hian a control-tu an awm leh awm loh erawh an chiang thei lo niin an sawi bawk.
Malaysian, Chinese leh Australian sorkar chuan MH370 hi kum thum an zawn hnuah a zawn hna an tawpsan a, chumi hnuah US-a hmunpui nei Ocean Infinity chuan 2018 khan an lawng lian, tuipui chhunga thil zawn nana hman chu chu an thawh chhuahpui ve leh a, anni hian kuminah tha tharah thawh chhuah leh an tum tih an puang tawh bawk.
Netflix-in Malaysian Airlines flight 370 bo dan documentary tichhuak dawn
Get real time updates directly on you device, subscribe now.
Prev Post
Next Post