New Jersey leh a chhehvelah hriat loh drone thlawk tam
New Jersey leh a chhehvelah hriat loh drone thlawk tam
Tunhnai, kar reivak lo atang khan New Jersey leh East Coast hmun thenkhatah hriat loh drone tam tak a thlawk nia sawi a ni a, mipuite an ralkhel hle.
Heng drone thlawkte hi tute thlawhtir leh eng vanga thlawk reng nge tih hriat a ni lo a, harsatna thlen lo mah se, mipui tam tak an chiai deuh nia sawi a ni.
New Jersey governor Phil Murphy chuan president Joe Biden hnenah lehkha thawnin, heng thil thlengte hi enfiah tur leh a chhan hrilh turin a ti.
Murphy leh dan kengkawhtute chuan drone thlawk fote chu mipui himna atan hlauhawm ni chiah lo mah se, mihring tel lo a thlawk fo erawh ngawihbopui mai chi nia an hriat loh thu an sawi a, tu tihtir nge tih leh dan khauh zawk siam ngei an phut thu an sawi.
FBI chuan he thil hi an chhuizui thu sawi ve nghalin, drone kaihhnawih video, thlalak leh anmahni pui thei tur thilte chu an hnena thehlut turin mipuite an ngen zui ve bawk.
Mita hmutu tam takte chuan heng drone te hi November thla atang khan New Jersey leh a chhehvelah hmuh tan a nih thu an sawi a ni.