An ram chhana Russia sipai a beihna lamah tum li zet world kickboxing champion ni tawh Vitalii Merinov chuan a nunna chanin, a nupui Vita Merinov leh a fanu kum hnih mi Leia a kalsan.
Ukraine ram khaw-pui pakhat Ivano-Frankivsk chu Vitalii Merinov sun hian an tap a; Thawhtanni khan a vuina inkhawm buatsaih niin, biak ina a kuang lakluh a nih hnuah mipui hmuh theih turin a kuang an hawng a, uitu leh tahtu a ngah hle a ni.
Kum 32 mi Merinov hi Russia sipaite’n hmun thenkhat an awp mek Luhansk bial khaw-chhak lama inbeihnaah a hliam a, karliamta khan damdawi ina dah-luh niin, a nunna chhan tumin theihtawp chhuah mah se an chhan zo ta lo a; a kuang hi Ukrai-nian flag-a tuamin, Ivano-Frankivsk mipuiin an ‘hero’ chu ui tak chungin an vuiliam.
A thianpa Taras Mstyslav chuan “Vawi-thum khawvel cham-pion ni tawh Ukraine hero Vitalii Merinov chu kan thlahliam ta,” tiin a vuina hunah a sawi a, mipuite chu, “A ropui e, a ropui e, a ropui,” tiin an aurual.
A vuina kawng-zawhah hian mipuite chu kawngsirah an lo thingthi hial a, Ukrainian flag lo vai tawk an awm a, thenkhatin a kuang chungah pangpar an lo theh bawk.
Nikum February thla atanga Russia-in Uk-raine a runna kha Ru-ssian dictaton Vladimir Putin chuan ‘special military operation’ tiin a sawi duh lek chauh a, Ukraine leh an-mahni thlawptu khaw-thlang ramte chuan behchhan nei loa thenawm ram runna tiin an sawi ve thung.
Ngen mu tuara thi Ukrainian champion kickboxer
Get real time updates directly on you device, subscribe now.
Prev Post
Next Post