NGO-in PM hnenah ngen

NGO Coordination Committee chuan Prime minister Narendra Modi hnenah Manipur-a buaina thleng mek ti reh turin ziakin ngenna an thlen.
Thawhlehni khan NGO Coordination Committee hian Raj Bhavan-ah larsap Dr Hari Babu Kambhampati an hmu a. Prime minister hnena thawn tur lehkha – “Prayer for Restoration of Peace and Harmony in Manipur” an thehlut. He lehkha hi Union Home minister leh Union Home secretary hnenah a copy an pe nghal bawk.
Prime minister hnena an ngennaah hian, Manipur-a buaina thleng mekah remna leh muanna siam thuai chu tuna pawimawh ber nia an hriat thu an thlen a. He buaina chhuak avanga sahimna zawnga Mizoram bel mi 12000 chuang an awm mek thu te sawiin, India ram hotulu a nih angin Prime minister hnenah hian hemi atana pawimawh bik leh rang taka chinfel ngai nia an hriat te an thlen. Hengte hi buaina lian zawk a thlen lohna tura chingfel thuai turin an ngen nghal tih an sawi a ni.
NGO Coordination Committee lehkhaah hian Prime minister-in uluk taka enfiah sak tura an duh lai, thil thleng pawimawh zual, mihring nunna chan tawh zat, in chhe tawh zat, Kristian biak in tihchhiat tawh leh harsatna thlengte ziahlan a ni.