MZP Sub-Hqrs Ngopa chuan Ningani khan an huamchhunga HSLC leh HSSLC exam-a distinction leh first division-a pass-te an chawimawi.
He hun hmanpuitu Lengteng bialtu MLA Dr L Thangmawia chuan Ngopa leh a chhehvel khuaah IAS, MCS topper leh mi hlawhtling tam tak an lo chhuak tawh a, tuna zirlaite hian kan mi hmasa, retheihna leh harsatna tam tak paltlanga zirnaa mi hlawhtlingte sulhnu zui hi a bata kan bat a ni, tiin, zirna atana MLA Fund tam tak hman a nih tawh thu te a sawi. “Civil service coaching kal tanpui nan, zirlai thiamthei chhungkaw harsa tanpui nan, HSLC leh HSSLC exam-a tithate lawmpui nan, zirtirtu rawih nan leh sikul mamawh hrang hrang atan cheng nuai tam tak hman a ni,” a ti.
Lengteng bial leh Ngopa khaw tana sawrkar hmalakna zingah Ngopaa SDEO office building sak mek leh SDEO thar dah te, SDO (Civil) office-a thawktu mamawh UDC, LDC leh driver te la thar turin Mizoram sawrkarin phalna a pek tawh thu te Dr L Thangmawia hian a sawi a. Ngopa HSS-ah science leh commerce zirna kum 2022 atanga hawn tan niin, Kawlkulhah HSS science zirna kumin academic session atanga tan a nih dawn thu te a sawi a ni.
Ngopaa zirlai pass thate chawimawi
Get real time updates directly on you device, subscribe now.
Next Post