NH-a puang turin MP-in ngen

Parliament Session neih mekah Ningani khan Rajya Sabha MP K Vanlalvena chuan Zero Hour-ah Mizorama kawngpui pawimawh pathum siam thuai a tul thu a aupui.
Hnahthial atanga Myanmar ramri kawng pahnih, Hnahthial- Tarpho- Khawhri- Cherhlun- Thingsai- Bualpui H- Saisihchhuah kawngpui leh Hnahthial- Tuipui ‘D’- Darzo- SVanlaiphai- Sangau- Pangkhua- Saisihchhuah kawngpui chu national highway-a puang ve ve turin sawrkar laipui a ngen.
Kum 2020-ah Myanmar sawrkarin Chin State khawpui Hakha atanga India leh Myanmar ramri Saisihchhuah thleng double lane kawngpui an sial zo tawh a, India sawrkar Ministry of Commerce and Industry-in Saisihchhuah ah ramria insumdawn tawnna hmun tenau, Border Haat-a a puang tawh chungin, kawngpuiin a la pawh lo tih a sawi. He kawngpui hi sialtlanga national highway-a puan an nih chuan Act East Policy tih hlawhtlinna atan, ram venhimna atan leh Mizorama tribal mipui ei leh bara hma an sawnna atan a tangkai dawn tih a sawi a ni.
MP hian Sairang Rel Station hawn a nih atangin Aizawl leh Sairang inkar lirthei tlan a pung nasa a, tuna kawngpui awm NH No.54 chu a zau tawk loa, a rang thei ang berin four lane kawngpuia siam a tul tih a sawi bawk.