NHIDCL hotu leh CYMA inkawm

Mizorama cham mek NHIDCL New Delhi technical director Amarendra Kumar chuan Ningani zan khan Central YMA hruaitute a kawm.
Mizorama NHIDCL enkawl kawngpui, a bikin Kawnpui leh Khamrang inkar kawng chhe lutuk leh NHIDCL hnuaia thalaite tana skill development training chungchang an sawiho a. Central YMA hruaitute chuan tunhnaia Mizoram chak lakna kawngpui, Kawnpui leh Khamrang inkar kawng chhe lutuk chu a siamthat hna chak taka thawk tura an beisei thu leh hemi chungchangah hian Union minister of Road Transport & Highways Nitin Gadkari hnenah hma la tura ngenna an thawn thu an sawi.
Central YMA hruaitute an president Lalhmachhuana hoin an ni a. NHIDCL technical director hi NHIDCL Mizoram executive director Adelbert Susngi leh OSD to CM Jonathan Lalremruata ten an tawiawm.