Ni 26 chhung hri vei thar awm tawh lo

Kum chawhma tawp lamah Mizoramah Covid-19 hri vei hriatchhuah zat a pung a, mahse vanneihthlak takin a nasa zui lo. Tun hnai ni 26 chhung chu hri vei hriatchhuah thar an awm tawh lo.
Kumina hri vei hriatchhuah hnuhnun ber chu May ni 26-a mi a ni a, chumi hnuah chuan, June ni 21 thlengin hri vei hriatchhuah thar an awm tawh lo. May ni 26-a result hriatah hian, mi 21 endik zingah mi paliin hri an lo vei a ni.
Kumin hri vei zat hi a pung leh hluai a, April leh May-ah khan hriatchhuah zat hi a pung nasa. Mahse June thlaah hriatchhuah thar an awm rih lo hlauh.
Kumina hriatchhuah hmasak ber chu March ni 10-a mi a ni a, March thlaah hian hri vei hriatchhuah pathum an awm. April-ah a pung ta hluai a, hri vei zat chu 40 a ni. May-ah a pung leh a, hri vei zat chu 57 a ni.
Kumina hri vei hriatchhuah tawh zat hi 100 a ni a, nikum khan mi 40-in hri an vei. Nikum nena khaikhin chuan kumina hri vei zat hi a tam khawp mai.