Ni sarih hnuah mibo hmu

May 4 tlai atanga a chin hriat loh, Lalrinhlua (28) s/o R Lalzawna, Thenzawl Hermon Veng chu a ni sarih ni – May 11 chawhnu khan hmuh a ni.
Thudawn danin Thenzawl ram, Tlawng lui leh Lau Lui infinna bul hnai Chhiarchhuak lui hnarah Lalrinhlua hi Inrinni chawhnu dar 1.30 vel khan hmuh a ni a, inah hruai haw niin a hriselna dinhmun uluk taka enkawl sak zui nghal a ni. May 4 tlai atanga a chin hriat loh niin, May 5 atangin Thenzawl Joint VC leh Joint YMA huaihawtin zawn zui a ni a. Thenzawl khaw thenawm – Neihloh, Buangpui, Kanghmun, Zote South, Sailam, Sialsuk, Keitum, Lunglei Lunglawn, Lunglei Hrangchalkawn, Hmuifangtlang Group YMA, Sub-Hqrs YMA Serchhip ten an pui a. Serchhip bialtu MLA, chief minister Lalduhoma tirhin minister B Lalchhanzova pawh Inrinni khan bo zawng hnatlangin a thawkchhuak a, hnatlang tanpuinan leh mibo chhungte hnenah puihna a hlan a ni.