Ni zirchiang tur India-in kapchhuak dawn

Aditya-L1, space-based Indian observatory Ni zirchiang tur chu September 2 ah tirhchhuah a ni dawn tiin Indian Spcae Research Organisation (ISRO) chuan a tarlang a.
“Aditya-L1, Idnian observatory ni zirchiang tur hmasa ber chu September 2, 2023 ah Sriharikota a\angin kahchhuah a ni ang” tiin ISRO chuan an tarlang.
ISRO te chuan spacecraft chu sun-earth system a Lagrange point 1 (L1) kan lei a\anga 1.5 million km vela hlaah dah a ni ang an ti bawk a. L1 thleng tur hian spacecraft hian ni 120 vel hun a mamawh dawna ngaih a ni bawk.
“Halo orbit L1 point chhehvela satellite dah hian pawimawhna neiin ni awklem awm lovin ni a thlir thei dawn a ni. Hei hian solar activities te space weather te chiang takin a thlir thei dawn a. Spacecraft hian payload pasarih lai photosphere, chromosphere leh sun layer pawn ber (corona) te chu electromagnetic leh particle magnetic field detector hmangin a enfiah thei dawn a ni. Special vantage point L1 hamngin payloads pali te chuan ni chu chiang tak enfiahin payload dang pathum te chuan Lagrange point L1 a particles te thlir thei dawn thungin hei vbang hian interplanetary medium a solar dynamics effect te sientific study \ha neih theih a ni dawn a ni” tiin Aditya L1 mission profile chuan a tarlang a ni.
Aditya L1 payloads te hian corona heating, coronal mass ejection, pre-flare leh flare activites leh an ziarang te, space weather, particles hrang hrang te information pawimawh a pe thei dawn a ni tih a ni bawk.
Satllite a payload pasarih dah te chu Visible Emission Line Coronagraph, Solar Ultraviolet Imaging Telescope , Solar Low Energy X-ray Spectrometer , High Energy L1 Orbiting X-ray Spectrometer , Aditya Solar wind Particle Experiment, Plasma Analyser Package For Aditya ) leh Advanced Tri-axial High Resolution Digital Magnetometers te an ni.