NIELIT Digital University (NDU) Platform leh NIELIT Centre thar hawng

On Oct 3, 2025 3 0

NIELIT Digital University (NDU)
Platform leh NIELIT Centre thar hawng
Shri Ashwini Vaishnaw, Union Minister of India Railway, Electronics & Information Technology leh Information & Broadcasting Minister chuan nimin khan New Delhi-ah NIELIT Digital University (NDU) Platform thar a hawng.
Hawnna inkhawm New Delhi-a neih hi NIELIT Aizawl, Zuangtui leh NIELIT Extension Centre, Lunglei chuan Virtual Mode-in an zawm a. NIELIT Aizawlah hian hemi pual inkhawm buatsaih niin, he hun hi Er. Ginzalala MLA, Technical Adviser to Chief Minister chuan Chief Guest niin a hmanpui bakah, MZP hruaitute, Zuangtui NGO leh Local Council te leh NIELIT Aizawl thawktu leh zirlaite an tel.
Er. Ginzalala chuan Aizawla kalkhawmte fuihna thu sawiin, midangte tana malsawmna ni turin a chah a. Hma lam hun tu man kan hriat loh avangin, midangte tan an thiamna leh theihna te hmang turin a fuih.
Dr. Madan Mohan Tripathi, Director General, NIELIT chuan NIELIT Digital University Platform sawifiahin, awlsam leh chipchiar zawk a NIELIT Deemed to be University-in zirna a kalpuina tur a nih thu a sawi a, tunah hian course 101 chhawp chhuah niin, la belh chhoh zel tur a nih thu a sawi a. He platform hi India rama a hmasa ber a nih thu a sawi rualin, khawvel pum a\anga teh pawha \ha ber a la nih a beisei thu a sawi.
Union Minister-in a hawn tak NIELIT Digital University Platform hmang hian AI (Artificial Intelligence), Cyber Security, Data Science, leh Semiconductors-a tualchhung industry-te mamawh thiamna thar chherchhuah a tum a ni a. NIELIT centre thar panga, Muzaffarpur (Bihar), Balasore (Odisha), Tirupati (Andhra Pradesh), Daman (Dadra & Nagar Haveli and Daman & Diu) leh Lunglei (Mizoram)-ah te Union Minister hian a
hawng nghal bawk a. Heng centre thar te hian digital education thiamna hmasawnna kawngah theih tawp an chhuah ang.
NIELIT hi Ministry of Electronics leh Information Technology (MeitY) hnuaia scientific society pakhat a ni a, tunhnai khan Deemed to be University dinhmunah hlankai niin, Central University puitling a ni thuai tura ngaih a ni a. Zirlai tam tak a chher chhuak tawh a, eizawnna tam tak a siam sak tawh bawk a ni.