Nigeria-ah silai keng hel pawlin silai hmetpuak, civil mi leh hel pawl thi tam

Nigeria chhim thlang lam, Zamfara state-a Dutse Dan Ajiya khuaah silai keng hel pawlten tualchhung mi tam tak kaphlumin, sipaite beih letna avangin mi 38 an thi bawk.
Nigeria thuneitute sawidanin hel pawl silai kengte hian ningani khan he lai khua hi luhchilhin, an hmuh remchan apiang an kap a, tualchhung legislator Hamisu Faru chuan pawikhawihna thleng avanga thi hi mi 50 chuang a nih thu report an dawng tawh tih a sawi.
Sipaite chuan beihpui thlak ve nghalin, zirtawpni zan thleng khan hmun kilkhawr zawk thlengin heng silai keng hel pawlte hi an kap let ve nghal a, mi 38 kaphlumin, tunah chuan boruak a pangngai leh tawh niin an sawi bawk.
Nigeria thuneitute sawi danin heng silai keng hel pawlte tualchhung mite chuan ‘bandit’ tiin an ko mai thin a, Zamfara, Katsina, Kaduna, Sokoto, Kebbi leh Niger state hrang hranga ramngawah awmhmun khuar hlawmin, chuta tan chuan an duh hun hunah khaw hrang hrang an bei mai thin niin an sawi a, sipaite chu eng lai pawha che tura inring renga hrilh niin, inbeihna erawh a la tawp thei lo thung a ni.