Germany-a rorel lai party-in naupanga social media khap duh

Germany-a rorel lai party chuan naupang kum 14 hnuai lamten social media an hman khapna tura rawtna awm an thlawp a, tleirawlte tan pawh finfiahna (verification) endikna khauh zawk siam an tum bawk.
Stuttgart-a Chancellor Friedrich Merz-a kaihhruai Christian Democratic Union party-in inkhawmpui kum bithliah pela thil ti online platform-te chawitir tam zawkna tur leh European Union (EU) puma hman a nih theih nana nawrna tur an pawm a ni.
Spain, Greece, France, Britain bakah ram dang tam tak chuan hetiang khuahkhirhna leh Instagram leh TikTok ang chi social media hman khap duhna nei a tam tawh hle.
Nikum khan Australia chuan naupangten social media an hman khap hmasa berin heta tang hian ram dang eng emaw zatin zui duhna rilru an pu mek.
Hetih lai hian European ramten social media company-te huang tam tak thiahsak a tumna hi US lak atanga hremna an dawn phah theihna a ni thei mai thei a. President Donald Trump-a chuan EU ramten technology kaihhnawiha chhiah thar an la emaw, social media an khuahkhirhnain emaw US firm-te tawrhna a thlen chuan chhiah sang lakah a vau tawh a ni.
Inrinnia Merz-a party thukhawm chuan, “Sorkar laipui hi social network hmang thei chinah kum 14 leh kum 16 chinte pawh an himna tur siamsakna tur motion pu lut se kan ti,” tiin thu an titlu a ni.
Merz-a’n sorkar siamnaa a thawhpui, Social Democrats pawhin naupangten social media an hman khuahkhirh hi an duh a. Rorel lai party pahnih hian sorkar chu hetiang ti tura an nawrna hi a pung mek zel a ni.
Hetih lai hian Germany sorkar rorelna kalphungah social media hman dan thunun hi state sorkar thu a ni a, hei vang hian ram puma hman tur chuan state-te an inrawn tlan a ngai dawn a ni.