Nitish Kumar-an NDA a zawm leh si avangin Bihar Lok Sabha seat insem danglam dawn

Janata Dal (United) tena Bihar a National Democratic Alliance (NDA) an zawm leh chuan BJP kaihhruaia hmalakna kal zelah danglamna siamin Chirag Paswan kaihhruai Lok Janshakti Party (Ram Voilas) te ang chuan Lok Sabha 40 awmah seat chan an neih tlem phah dawn a ni.
Kum 2019 khan BJP leh JDU te chuan seat 17 ve ve changin LJP te hnenah paruk pek an ni bawk a. Kuminah erawh Jitan Ram Manjhi kaihhruai Hindustan Awam Morcha (HAM), Upendra Kushwaha kaihhruai Rashtriya Lok Janata Dal (RLJD) leh LJP faction pahnih awm nen seat insem a darh nuai dawna ngaih a ni.
Bihar Chief Minister Nitish Kumar chuan NDA a zawm lehah tum nga a thawhpuite thingthlaa midang a thawhpui lehna chiah niin BJP president J.P. Nadda chuan intiamna an neihte tihhlawhtlin a ni ang tiin a sawi bawk.
Chiraq Paswan chu a tira lungawilo ber nia sawi niin mahse Pathiannia Kumar sorkar thar lawmluhnaah tel thovin Delhi atangin BJP president J.P. Nadda nen an thlawk dun a, BJP-te chuan Paswan hnenah hian kum 2019 Lok Sabha inthlan ang thovin kuminah pawh seat ruk pek an intiam vang a ni.
Hei bakah hian ama dinna turin Paswan chuan Hajipur Lok Sabha constituency chu a ngiat tia sawi a ni bawk a, chumi pe tur erawh chuan BJP-te chuan Paswan leh LJP atanga penga uncle leh Union Minister Pashupati Nath Paras-te inkar an chinfel a ngai thung ang.
Paswan leh Nitish Kumar-te hi tun hnai kum nga chhung vel chu inbakkaih reng niin mahse Paswan chuan NDA sorkar chuan vision an neih te chu sorkar policy-ah an telh dawn tiin a sawi a.
“Kum 2019 pawh khan JDU te pawh kan zingah an tel a, seat-sharing formula fel tak kan nei thei a ni. Tunah pawh seat insem dan tur kan ngaihtuahna pawh tha takin a kal a, kan tihfel chian vat a beiseiawm” tiin Paswan chuan a sawi a. Mahse, an policy duh lohte Nitish Kumar-an a kalpui zui a nih chuan sorkar thar chu a sawisel hreh dawn lo a ti hmak bawk.
Hetihlai hian Lok Sabha inthlan lo awm turah BJP-te chuan Kushwaha kaihhruai RJLD-te chu seat thum an pe ang an ti a, chu chu kum 2014-a an pek ang tho kha a ni a. Kushwaha hi Rashtriya Lok Samata Party president niin NDA ally niin Union Minister-ah pawh dah a lo ni tawh.
HAM-te chu State level-ah BJP-te chuan telh tawhin Manjhi fapa Santosh Suman Manjhi chu Bihar-a NDA kaihhruai sorkar-ah khan Minister-a dah a ni a. Ministry tiam mai bakah Lok Sabha seat khat pek an ni thei tih a ni bawk.
Bihar sorkar tharah Nitish Kumar duh lova chhuahsana BJP zawmtu Samrat Choudhary leh Vijay Kumar Sinha-te chu deputy chief minister-ah dah ve ve an ni a, chu mai bakah sorkar thar lakluha tel tura Paswan Delhi atanga phurh thlen ni bawk chuan BJP-te chuan JDU-te chu an duh dan dana taltir an tum lo hle nia ngaih a ni.