NMC zawkin NEET 2024 Syllaus tichhuak

National Testing Agency (NTA) ni lovin National Medical Commission (NMC) chuan syllabus of NEET 2024 chu ennawnin a tichhuak.
NMC chuan NEET 2024 syllabus chu a titlem a, Chapter pakua lai chemistry-ah a paih a, biology-ah chapter ruk paih bawkin sub-topic thenkhatte a belh thung.
NEET exam, medical course zir nana kawngka ber chuan mark 750 a nei ang a, heng zinga 360 chu biology atan niin, physics-in mark 180 leh chemistry-in mark 180 a keng tel bawk ang.
NTA chu NEET tana examination agency a ni a, kum tinin syllabus ennawnin a tichhuak thin a. Kuminah erawh NMC chuan NEET 2024 syllabus a siam fel thung.
Chemistry bikah NMC chuan heng chapter – State of Matter, Hydrogen, The s-Block Elements, Environmental Chemistry, The Solid State, Surface Chemistry, General Principles & Processes of Isolation of Elements, Polymers, Chemistry in Everyday life tih te a paih a.
Biology bikah NMC chuan heng – Transport in Plants, Mineral Nutrition, Digestion and Absorption, Reproduction in Organisms, Strategies for Enhancement in Food Production, Environmental Issues tih chapter te hi a paih thung a.
NMC chuan physics leh biology ah sub-topic panga a belh thung a ni.
Mithiamte chuan NEET 2024 syllabus tithlem chu duh lovin ‘unscientific’ an tihsak a.
Hanumantha Rao, Chief Executive Officer (CEO) lh Dean of Parishrama NEET Academy, Bengaluru chuan, “Chemistry bikah a hma in chapter 30 a awm a, tunah 21 ah tihtlem a ni ta a. Heng chapter paihtak te hi awl tak niin zirlai te mark ti thatu a ni. A pawimawh ber zawk chu biology chapter paih te chu medical education-ah zirlaite tana pawimawh a ni” a ti a.
“Chemistry bikah lesson tin zirlaite kan zir tawh a, chungte chu NMC in a paih vek a. Zirlaite tan a pawimawh em em vek a, exam an hmachhawn inpuahchah dan an thlak a ngai ang. Examination emaw syllabus thlak a nih dawn chuan academic year tirh atanga kalpui a ngai,” tiin a sawi.
Kum kalta kha chuan NTA-in NEET syllabus a tichhuak a. Kuminah erawh NMC chuan NEET 2024 syllabus te ennawnin a tichhuak thung a. Chu chuan zirlai leh coaching centre te a tihrilhhai hle a ni.
NTA chuan JEE (mains) 2024 syllaus a tichhuak tawh a. NTA in JEE (Mains) 2024 a physcis leh chemistry syllabus a siam chu NMC in NEET 2024 atana a siam nen a in ang chiah bawk a.
“NTA hian NEET 2024 syllabus a tichhuak dawn em? Sorkar in a sawichian a ngai” tiin Rao chuan a sawi.
Monika II PU zirlai leh NEET aspirant chuan, “NEET 2024 atan II pre-university nen ka inpuahchah a. NEET training private tutorial ka zawm bawk a. Tuna syllabus atanga an paih chapter te hi kan zir tawh sa a ni a, NEET atan dtusy plan thar ka siam a ngai dawn a ni” tiin a sawi.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More