No. 1 thar Jannik Sinner

Pathianni zan khan Monte Carlo Master final khelh a ni a. Inkhel hmuhnawm takah World No. 1 Jannik Sinner chuan a elpui lian World No. 1 Carlos Alcaraz chu set hloh lovin a hneh a, ropui takin a champion. Final-ah a chak vangin Sinner hian trophy bakah World No. 1 nihna a hlawhchhuak.
Monte Carlo Master 2026 final hi tunlaia player tha filawr pahnih’ Carlos Alcaraz leh Jannik Sinner te inhmachhawnna tur a nih bakah No 1 dinhmun inchuhna a nih tel bawk vangin ngaihven a hlawh hle. Final ngaihven hlawh tak hi hmuhnawm takin tan a ni a, inkhel hmuhnawm lantirin set khatna atang rengin a hmuhnawm nghal hle. Set khatnaah hian break nei thei an awm lova, tie-break khelh a ngai nghal pang. Tie-break-ah pawh an inhnehtawk zui viau a, Alcaraz-a’n Sinner nihrual theihna hun tha a neih laia double fault a nei a, Sinner-a’n set khatna a lak phah.
Set hnihnaah Alcaraz-a’n bul a tan tha a, break a nei nghal. Hnufual zawk ni mah se Sinner-a’n na takin a nawr a, break a nei lei. Alcarz hian 3-2 a hma a hruai laiin a serve a hum zo lova 3-3 a ni ta ta chiah. 3-3 a nih hnu hian Sinner-an break a nei zui leh a, set la zuiin champion lai Alcaraz lakah hian 7-6 (7-5), 6-3 in hnehna a chang a, a champion zui ta a ni.
Monte Carlo Master khelh zawh nih hnu thawhtanni khan ATP Ranking thar tihchhuah a ni a, a chunga awm Carlos Alcaraz lehpelin Jannik Sinner chu World No. 1 thar a ni a. Sinner leh Alcaraz te hi point 110 lekin a inthlau.