North West album thar tur ‘Elementary School Dropout’

hian te fanu, North West, kum 10, chuan rimawi khawvelah a pa hnung a zui dawn a, album tlangzarh tumin hma a la ve ta tlat mai, a album hmasa ber tur hi ‘Elementary School Dropout’ tih a ni dawn e. A pa Ye (Kanye West ni thin kha)-a’n Hollywood Park, Inglewood, California-a Rolling Loud 2024 festival-a a perform-naah hian North hian a thiante nen opening night-ah stage-ah a pa hi an lo tawiawm ve zuai a ni.
North West hi reporter Jazlyn, aka Jazzy-a’n a kawm zuai a, North chu a tha em, tih zawtin, North chuan, “|ha e, nang i tha zawk em?” tiin polite takin a lo chhang.
A zawna pahnihna chu Elementary School Dropout chungchang niin, album tlangzarh tur chu eng nge a rilru tih leh a album-ah chuan eng lam nge lo beisei tur tihte a zawt a. North chuan, “A pui ve dawn viau a nia,” ti a chhangin, engtikah nge a tlangzarh dawn tia zawhna chu, “Ka la hre bik lo,” a ti bawk.
A album-ah chuan a pa Ye nena an thawhdunna te a awm dawn em tia an zawhna chu, “Awm maithei! Kan la sawi thei rih lo!” a ti bawk.
North hian a debut album tur chungchang hi March ni 10-a Phoenix-a a pa, Ye leh Ty Dolla Sign te album Vultures listening party-ah, stage-ah a pa tawiawmin, ‘Talking’ hla an sak zawhah a lo puang zauh tawh a ni. Talking hlaah hian North hi featured artist niin, he hla hi Hot100 chart-ah pawh No.30 a kai a, Hot 100 chart-a lang thei artist naupang ber record a siam nghe nghe a ni.
North chuan, “Album ka buaipui mek a. Elementary School Dropout tih a ni,” a ti a, 2004 khan a pain hetiang hming deuh album ‘The College Dropout’ a lo tlangzarh tawh bawk.