Nov. 5-7 chhung Dry Day puang

Mizorama MLA inthlanpui neih tura inpuahchahna kalpui mekah Election Commission of India atanga thupek hmuh bawhzuiin Excise & Narcotics commissioner chuan Rule 5 of the Mizoram Liquor (Prohibition) Rules 2022-in thuneihna a pek tlawhchhanin November 5 (Pathianni) tlai dar 4.00 atanga vote thlak ni, November 7 (Thawhlehni) tlai dar 4.00 thleng bakah vote chhiar hun tura ruat December 3-a vote chhiar zawh a nih hma chu Mizoram pumah zu khap burna ‘Dry Day’ puan a ni tih mipui a hriattir.
‘Dry Day puan a nih chhung hian zu zawrh chhuah leh in khap tlat a ni a. Hei hian military canteen atanga zu hralhchhuah leh in a huam tel a. He khapna thupek hi mipui nawlpuiah chuan dan dinglai hman mek a ni,’ a ti.
Khapna thupek hian 2023 October 13 leh 2023 November 1-a Excise & Narcotics Department kaltlanga thuchhuah siam tawhte chu a luahlan a ni.
Mizoram inthlan tur avang hian state thenawmah pawh November 5-7 chhung hian Dry Day hi an puang ve tho a ni.