November 7 atangin Mamit
kawng NH44A siam tan tum
Mamit district paltlangtu National Highway 44A/108 kawng chhia chu tunkar Ningani atang hian thawmthat hna thawh tan a ni dawn tih sawrkar thuneitute chuan an sawi.
Sub-Hqrs YMA Mamit kaihhruaia Mamita tlawmngai pawl hrang hrang, khawtlang hruaitu leh political party ten NH 44A/108 chhe lutuk siamthat a nih theihna tura sawrkar an dawrna kal zelah a bawhzuina lam hmuh tur a awm mai loh avangin na zawka nawr tumin an inrawnkhawm leh a; November 4 khan Aizawlah sawrkar thuneitute dawrin lamkal an intir leh a ni.
Sawrkar thuneitu lam hian NH No 44A/108 chhe zual lai siamthat hna hi November 7 atanga thawh tan a nih tur thu an lo hrilh a. Hna hi NiDHI Creative Infrastructure Pvt. Ltd-in a thawk ang. Dapchhuah leh Mamit inkarah an thawk tan dawn a ni.
NH 44A/108 pamtul tak, thawh chhunzawm a nih theihna tura re-tender pawh 2025 February/March velah chuan tihfel theih beisei a ni tih an lo hrilh bawk.
Pawl hrang hrang aiawhte hian Mamit leh Bairabi inkar kawngpui hnathawh mek pawh chak zawka thawh a nih theihna turin hma la turin thuneitute an ngen a. Hei pawh hi helaia hna enkawltute lo sawipui an tum tih PWD Highway thuneitute chuan an sawi. Highway 44A/108 atanga Mamit luhna kawngpui tihzauhna tur ruahmanna a awm thu tlawmngai pawl aiawhte hi hrilh an ni bawk.
November 7 atangin Mamit kawng NH44A siam tan tum
Get real time updates directly on you device, subscribe now.
Next Post