NT Pual Krismas Charity Concert nei dawn

Lelte Award Organising Committee chuan TNT a awm mek ten hlim taka Krismas an hman theihna tur anih beiseiin November ni 30 (Ningani) zan dar 7:00 hian Muanna Veng a TNT hmunah Live Concert an nei dawn a, Mizorama zaithiam mi 40 dawnin TNT tana thawhchhuah an tum a ni. He charity concert hi live-in Zonet leh LPS ten an pechhuak ve ve dawn a, Lelte YouTube Channel-ah pek tum a, a duh apiang tan a hmunah a chhim theih dawn bawk a ni.
Tunah hian TNT-ah mi sanghnih dawn an awm mek a, thawktu thenkhat chuan, “In 300 khua ang kan ni e,” an ti niin organising committee chuan an thuchhuahah an tarlang a. Chawhmeh an tlachham deuh a, anmahni thar chhuah iskut chu chawhmehah an ring deuh ber niin an sawi a, concert buatsaihtute chuan Mizoram mipui ten thahnemngai taka pawisa fai bakah mahni neih angang, thuamhnaw lum leh eitur thlenga phal taka pe turin an sawm bawk a ni.
TNT tana luangchhuak duh tan phone number- 9862373310 / 9862344458 ah te GPay-in thawhlawm thawh theih a ni.