Karliamta Inrinni khan Switzerland nu Belinda Bencic chuan Abu Dhabi Open final-ah set khatna hloh zet chungin American Ashlyn Krueger lakah 4-6 6-1 6-1 hnehna a chang a, nikum April thlaa fanu Bella a hrin hnua trophy a lak leh vawikhatna a ni.
Olympic champion hlui Bencic hi tunah kum 27 mi ni ve tawhin, naupai leh neih chawlh kum khat chuang a lak hnua a fa hmasa ber a hrin atanga a thla 10-naah WTA title a lawm zui leh thei a; kum 20 mi leh world number 51 ni bawk Krueger tan thisen pal tawh Bencic-i tawnhriat kha palzut ngawt ngaihna a la awm lo!
Zayed Sports City International Tennis Centre-a Abu Dhabi Open trophy a lek chhuah hmaa world number four hlui Bencic-i WTA title hnuhnung ber pawh Arab rama a sualchhuah tho niin, February 2023-a Abu Dhabi Open-a a champion kha a ni.
Inrinnia title a lak leh hnuah Swiss chuan Abu Dhabi-a a kirleh thei a hlim over thu sawi chungin title em erawh a suangtuah pha lo tih a sawichhuak a, beisei loh taka trophy a lak takah chuan a a mittui a dang zo ngang lo tih a tarlang tel.
He hnehna avang hian ranking tharah Bencic hian world number 65 a luah chho pha leh dawn a ni.
Nu a nih hnua Bencic-i WTA title lak vawikhatna
Get real time updates directly on you device, subscribe now.
Prev Post
Next Post