Alcaraz-a indoor title hmasaber a hmin

On Feb 11, 2025 18 0

Alcaraz-a indoor title hmasaber a hmin
Rotterdam Open final-a a khingpui Alex de Minaur laka 6-4 3-6 6-2 hnehna changin Pathianni khan Carlos Alcaraz chuan a career-a a indoor hardcourt title hmasaber a nghak chhuak.
Australian third seed De Minaur nena vawithum an intawn takah Spaniard Alcaraz hian hnehna a la chang fai vek a; tun kha nikum Spetember thla Beijing tournament hnu lama Spanish top seed champion leh vawikhatna chiah niin, a career-a ATP title 17 a lak tlinna a ni bawk.
Kum 21-a upa Alcaraz hian Grand ZSlam title pali la tling der tawhin, tunah hian French Open leh Wimbledon champion lai a nih bakah kum 2022 US Open-a a champion tawh bawk avangin outdoor surface pathumah grand slam title a la der tawh a ni!
Kumin Australian Open quarter-final match-ah khan Novak Djokovic hneh loin Alcaraz a tlawm a, kha mi hnu khan Rotterdam Open hi a tournament khelh leh hmasakber niin, De Minaur tan kumin hi Rotterdam final-a a tlawm zawnna a ni a, nikum final-a world number one Jannik Sinner a hneh loh ang bawkin kumin final-ah pawh a tlawm zawk a ni leh.
ATP tour title pakua la tling ve tawh kum 25 mi De Minaur chuan tunhnai kum hnih thum chhunga a game khelh dan a thlirletin hmasawnna tur tam tak a la neih thu leh a tlakchham phuhru tura hmalam a pan zel tur thu a sawi.
Pathianni vek khan Texas lama khelh Dallas Open final-ah Denis Shapovalov chuan second seed Casper Ruud laka 7-6 (7-5) 6-3 hnehna changin a career-a ATP title lian ber leh a pathumna ni nghal a sualchhuak ve bawk.
Kum 25-a upa Canadian Shapo-valov hian final a luhna kalkawngah top seed Taylor Fritz leh third seed Tommy Paul a hneh nghe nghe.