Congress president Lalsawta chuan, January 16 zinga Chawngte atanga Aizawl pana kal gypsy, Melthum daia chesualah mi 5 chuang zinga Chakma Autonomous District Council MDC pahnih Mahesh Baron Chakma leh Charan Singh Chakma bakah an thian pakhat Bono Chandro Tongchongya te an boral chu pawi a tih thu sawiin, hliam tuar Lakhan Chakma, MDC leh Jaruldubasora te pawh an dam that leh thuai theih nan duhsakna a hlan tih a sawi.
-- Advertisement --
Chhiat tawh chungchangah YMA Melthum Branch fakawm a tih thu sawiin, Mizo tlawmngaihna a hun taka lantirtu an ni chu a chhuang takzet tih a sawi a. Chetsualna hmuna boralte kalsan tak an nupui fanaute a tawrhpui takzet tih a sawi bawk.
BJP Mizoram chuan January 16 zinga Melthum daia Chawngte atanga Aizawl pana kal gypsy chesuala chuang mi panga (5) zinga pathum thihna chu pawi a tiin, thi chhungte an tawrhpui takzet tih a sawi.
Lirthei chetsualna avanga MNF MDC pahnih – Mohesh Baron Chakma leh Charan Singh Chakma ten nunna an chan chu pawi a tihpui thu sawiin, CADC tan channa nasa takah an ngai tih a sawi a. Lirthei chesuala hliam tuarte pawh an that chhuah leh thuai theih nan BJP Mizoram chuan duhsakna a hlan tih a sawi bawk.