Nunrawng hmeltha-i te!

Hmeichhia te hi a âwm nem zawk kan ti tak nain, mipa te lakah hian an sual thiam ve thin khawp mai. Hei le, hmeichhe thenkhatin mipa te an chhaih kual vel dan, ngeiawm zual te kan rawn tarlang e.
1. Phone pick loh te an han ching ta tlat thin a. Mipa ten nula phone number neih chu nuam an ti riau a, mahse, hmeichhe thenkhatin sual chhuahin number dik lo pek daih te an ching a, an call pick loh te pawh an ching riau. Chutiang chu mipa tan ngeiawm mai mai tak a ni.
2. Mipa sum hman hek tum ngar ngar te pawh an awm ve bawk. Hmeichhe thenkhat lengchuak chuan an pawisa hman an tum lo ve hrim hrim, mipa in-treat tir vek an tum a, hmeichhia te chu mipa treat tur a lawm, an ti ve zeih! An neih an chen a, an kalsan leh daih lawi si!
3. Hmeichhia thenkhatin a tha nghah nana hman te an ching tlat. A duh vak lem loh te pawh ngaihzawng fumfe an neih loh lai a nih chuan han tih lunglen mai te pawh an hreh lo, chutah an duhzawng an hmuh veleh an kalsan leh mai thin!
4. Mipa ten hmeichhe mittui tla lai hmuh hrehawm an ti tih hre ran chunga an duh zawng tihpuitlin nana mittui ti tla thiam hmeichhia te hi mipa tan chuan ngeiawm tak an ni ang.
5. Mipa tan hmeichhe kutthlak hi thil mawi lo a nih laiin, hmeichhe thenkhatin an ngaihzawng te kut han thlak mai an hreh lo ve tlat, mipain a ti let dawn lo tih an hriat vang ni maw!
6. Hmeichhe thenkhat an ngaihzawng te mi zinga sawisel leh rel ching an awm tlat pek a. An ngaihzawng te fiamthu thawh nana hman ching te pawh an awm.
7. Mipa dang han flirt pui vel a duh vangin ngaihzawng nei lo awma awm te a ching ta thin a! A nei reng sia!
8. An duh zawng tih puitlin nan mipa han tihtauh khum vel te pawh an hmanraw tha tak, mipa tan ngeiawm tak si a ni!
9. Hmeichhe thenkhat ngaihzawng te ‘test’ ching an awm a, mipa tan ngeiawm tawp thang a tling!
10. Ngaihzawng te in thik tir tuma an hmuh laia mipa dang han flirt pui vel ching tawk te pawh hi ngeiawm tak an ni!