Nupa nun tel lo nupa tan

Nupa nun tel lo nupa tan
Nupaa kan insiam hnuah kan inngaihzawn laia kan boruak tek deuh sek sek ang khan a lo tek na lo ve tial tial a, a rei hnuah phei chuan a tek tawh thin mang lo. Chu chu khawvela nupa tam zawkin an tawn ang tho a ni a, nangni chauh in ni bik lo.
Tichuan a lo rei a, bedroom-a nupa nun hmanna kawngah te kan tlahniam telh telh a, a rei deuh hnuah phei chuan kan hmang ngai ta mang lo. Chutiang chu nupa tam takin an tawn mek a ni. Chu chu a chhan chi hrang hrang a awm thei a, taksa hrisel loh vang te, khawsak phung inthlak vang te leh thil dang pawh a ni thei. Hrisel lohna vang ni lem lo va hetianga bedroom nupa nun hmanna kawnga tlakhniam hian kan nupa inlaichinna atan a pawi thei ve tlat mai, mahse, siamthat theih a ni.
Hetianga bedroom nupa nun hman tak mang loh hi inhmangaih tak loh vang lam a ni lo va, kan nupa inkar a chhe ta vek e tihna pawh a ni lo. Khawvela nupa tam zawkin an tawn ve vek a ni. Chutiang boruak chu kan nei a nih chuan a siamthat hna kan thawh a ngai a, siamtha tur chuan a chhan kan zawn chhuah a ngai. A chhan chu chi hrang hrang a awm thei a, nupa kan titi dun tam loh vang te, nupa kara sawih hreh leh sawi zah kan neih thin vang te pawh a ni thei. Bedroom nupa nun an hman loh avangin an inhmangaih ta lo tihna erawh a ni chuang lo. Depression, anxiety disorder, mipat hmeichhiatna lama harsatna neih vang leh rilru sukthlek vang te pawh a ni thei.
Engtin nge hma i lak tak ang. A hmasa berah chuan i hmangaih, i kawppui chu i thiante i ‘treat’ anga i ‘treat’ a nih chuan i inthlak hmasak a ngai. BP sang leh diabetes te i nei em? I thau lutuk em? hormonal imbalance i nei em? Hengte hian bedroom nupa a tibuai thei. Chutiang chu a ‘solution’ ngaihtuah aiin ngaiah neiin, a ni tur ve renga ngaihna te kan nei ka mai a, tin, a siamtha tura hmalak kha zahthlak a ngaih deuh tlatna te pawh kan nei thei. Bedroom nupa nun lama hmala turin i ‘depress’ lutuk tih chu pawm harsa i ti viau ang, mahse, chhuanlam tha ve tak chu a ni e.
Insiamtha tur chuan inthlak danglam ve hret hret a ngai. In hnathawh dan leh inkhawsak phung te pawh tihdanglam hlek a tul mai thei. Thil pakhat tha ve deuha an sawi chu, bedroom nupa nun hman hun tur bituk hi a ni. A sexy lo e, kan ti rilru mai thei, mahse, sexless relationship neite tan chuan hei hi a solution pakhat a ni ve thei. Zanlam nupa in-date hun tur siam a, chumi-ah chuan thildang zawng zawng dahtha a nupa chauha hun hman tur a ni. Hetianga tih hian hlawkna a nei ve thin.
Inkhawih ngun tum tur a ni. Kawppui te nena kan inkhawih ngun zawh poh leh kan in-’connect’ tha a ni mai. Taksa insi a awm tam te, inkuah emaw inkaih emaw, chutiang chuan kan inkarah bedroom nun a chhem alh tha duh. Zingah in chuak tur ‘goodbye kiss’ te han tithar ula, zana TV endun chhunga kut invawn sak legh inkuah te pawh kan ti thar leh u la a hlawkna in hmu ngei ang.
Bedroom nupa nun hmanna kawngah harsatna i nei a nih chuan chutiang lama mithiam te rawn hreh hauh loh tur a ni, counsellor emaw, obstetrician emaw urologist emaw te pawh rawn hreh loh tur a ni. Nupa chu an inhawn a, hmalam pan an duh phawt chuan bedroom nun lama an harsatna te siamthat theih loh a awm lo niin an sawi thin. In harsatna chu engpawh ni se chutiang lama mithiam te chuan thurawn an pe thei dawn che u a, damdawi hmanga siamthat theih a nih phei chuan a awlsam sawt ang.