Nupa taksa siam danglam nasa ber

Victor Hugo Peralta (Uruguay) leh a nupui Gabriela Peralta (Argentina) te hian 2012 atang khan nupa taksa siam danglam nasa ber record an la chelh ta ngar ngar a, an nupa taksa siam danglam zawng zawng belhkhawm chu 77 a tling a, tunah chuan an record hi anmahni vekin khumin, an taksaah siam danglam 91 a nei tawh a a ni.
An nupa hian kum 53 mi ve ve an ni tawh a, an taksa siam danglamah hian mit tattoo, taksa hmun hrang hrang verh bakah Victor hian a beng a zai thler a, an âwm-ah Italy flag tattoo an nei thar ve ve bawk. Tunah hian Victor taksaa siam danglam awm tawh zawng zawng chu 41 a tling tawh a, Gabriela hian 50 a nei tawh a, an pahniha belhkhawmin 91 a tling ta a ni.
Victor hian kum 11 a tlinin a vawi khat nan tattoo a chhut tir a, a chawl vang vang a, a nupui neih atanga kum khatna, 2009-ah a chhunzawm leh chauh. A taksaa thildang a dah (implant) hmasak ber chu a chaldara arsi kil thum nei lem a ni a, chu chu a nupuiin nalh a ti hle a, a inangin an nei ta a, chuta tang chuan a khat tawkin taksa siam danglam eng eng emaw an nei ta deuh reng mai a ni.