Nupa titi dun in harsat em?

Nupa emaw ngaihzawng emaw nena titi-a thil han sawi dun melh melh hi harsat riau chang kan nei chawk a. Chutiang boruak chu intawng a nih pawhin inthen phah nana hman mai tur a ni lo, mi pawhin an tawng ve chawk tih i hre dawn nia. Chutiang huna hmalak dan tur ni a relationship lama mithiam te sawi kan rawn tarlang e:
1. A pawimawh ber leh he harsatna sutkian nana pawimawh hmasa ber chu, harsatna in nei tih inpawm tur a ni. I kawppui nena in inkarah harsatna a awm tih i pawm a i hriat tawh chuan a chinfel dan kawng zawn a awlsam sawt ang.
2. I kawppui hnenah i harsatna i sawi chhuah miah loh a, engin i rilru kap tih te i hrilh si loh chuan in inkarah harsatna leh inhriatthiam lohna a lo thleng thuai mai thin. Chutiang hunah chuan kan harsatna te kan inhriatthiam pui lo a, kan in en liam ta mai mai thin a ni.
3. Tihtauh leh invin vak vak emaw, tum deuh bar bar emaw pawhin inharsatna chu a chingfel lo a nih chuan tihdan dang i dap a ngai a nia. A chang chuan i kawppuiin i thusawi te a ngaihthlak a a hriatthiam theih nan kawng dang i zawn te pawh a ngai a nia. Chu chu eng pawh a ni thei- zawldawh taka sawi emaw, i thusawi te loh theih loha ngaithla tura tih luih emaw te pawh a ni thei.
4. Pumkhata in insiam tawh avang maiin in inkara harsatna te chu in pahniha chinfel vek theih a ni e, tihna a ni lo, achang chuan hetiang lama mithiam te thurawn lak te hreh hauh loh tur a ni.