Nurse thawn thinte CM hmu

United Kingdom leh Germany-a Mizo nurse-te thawk tura zirtirna pea thawn thintu – Charkos hotute chuan Thawhtanni khan chief minister Lalduhoma an kawm a, an hnathawh dan an sawipui.
Chief minister chuan Mizo nurse, OET exam tuma beitu, sum lama harsatna neite chu Mizoram Youth Commission kaltlanga Hand Holding Policy hmanga sawrkarin a tanpui theih a rin thu a lo hrilh a. Hemia zirlaite harsatna hi ziaka a hnena thehlut turin a chah.
Charkos co-founder Dr Seema Baliyan chuan an hnathawh dan a sawifiah a. Charkos hi Mizoram OET Coaching Hub (MOCH) nen tunah hma an la ho mek. Mizo thalai engemawzatin an ngaihven a, training-na tur sum leh paiah harsatna an tawk thin tih chief minister hi an hrilh.