Oct 7-a thil thleng kha a pawi -Jaishankar

October ni 7-a Hamas ten Israel an beihna kha a ruk a rala chetna dik tak leh hel pawl te thiltih a ni a, mahse Palestine te tan he harsatna hi sutkian ngai tamtak a awm tiin S Jaishankar chuan Rome-a Senate External Affairs, Joint Secretary leh Defence Commission Session-ah a sawi.
Jaishankar chuan, “October 7 a thil thleng kha a ruk a rala chetna lian tak a ni a, a hnu thlenga a nghawng tur te hian helai bawra chengte hma lam thlirna a kuaiher vek dawn a ni. Mahse tute pawhin a tawpa beiseina an neih chu he innghirnghona hi helai ram velah hian a pangngai rih mai lovang, mahse nunphung pangngai-in a kal leh thuai ang a, thawhhona pawh a awm leh thuai ang. Hemi hunah hian pangngai taka thil a kal leh theih nan thil chi hrang hrang-in kawng kan zawng tur a ni – kan zavaiin terrorism kan pawm theih lohzia leh terrorism lakah kan tanrualzia kan lantir tur a ni,” tiin Jaishankar chuan a sawi a ni.
Jaishankar chuan, “Palestine te chungah hian thil thleng lian tak a awm a ni. Palestinian ten harsatna an tawh mekah hian a chinfel dan tur a awm a ni. Kan thlirna atang hian ram pahnihte harsatna tawh dan a hranga chinfel dan tur a ni. Harsatna chinfel dan tur i hriat chuan inbiak remna leh inremna siam a ni tih i hria ang. Inbeih tawnna leh a ruk a rala chetna hian harsatna a sukiang lo tih kan hria a, chu chu kan pawm bawk tur a ni. Tun dinhmunah hian International humanitarian law tute pawhin kan zah vek tur a ni. Heng dinhmun harsaah hian inang tlang tak veka thil kan lak hi a fing ber lo a, chu chu thil harsa leh hnawk tak tak te kan hmachhawn dan tur a ni,” tiin a sawi. India chuan Israel leh Hamas te indona chungchangah terrorism laka a ngaihdan lai taka sawiin “ram zalen leh mahni kea ding tur leh Palestine state nuam tak siam turin a duh a ni”. PM Modi hi khawvel ram hruaitu te zingah Hamas hel pawl ten Israel an beih duh loa tlangaupuitu hmasa ber ni hialin Israel nena tanrual tlat a duh thu a lo sawi tawh a ni. Amaherawhchu, United Nations General Assembly-a Gaza-a inremna a awm theih nana vote thlaknaah India chuan vote thlak ve loin Hamas emaw Israel beihna emaw a sawisel chuang lo a ni.