Officer-in a thamna dawn pawisa a ei!

A corrupt tih finfiahna theihna tur hmanrua ber, pawisa chu court-ah phawrh tur a awm miau loh chuan a dinhmun chhe lutuk tur a zia deuh theih a beisei a ni ngei ang, officer pakhat chuan thamna pawisa a dawn chu police ten an man laiin a ei hmiah mai!
A hming chu Gajendra Singh a ni a, Madhya Pradesh-a revenue department-ah officer a ni. Thil complaint-tu hnen atanga thamna pawisa Rs 5,000 a dawn lai takin police-in an nangchinga, man tuma an buai laiin a thamna dawn pawisa chu a ei ta hmiah mai a, a dawlh ta duak duak mai a ni!
Thamna a la fel chiah tihah police an thleng chawpchilh ve nghal mai si a, rang mangkhengin a pawisa dawn chu a hmawm ta mawlh mawlh mai a, a rang thei ang bera lem vat vat a tum. Chutah police ten damdawi-in an hruai a, doctor leh police ten a pawisa dawn chu lem lo tura an ti chung pawhin thial sawk sawkin a lem lui tang tang tho niin Times of India-in a tarlang.